HomeNouvèl kout an kreyòlNouvèl kout an kreyòl

Nouvèl kout an kreyòl

Published on

Archives

Omwen 17 imigran ayisyen jwenn lan mò yo, apre bato yo te koule nan Bahamas

Disèt (17) imigran ayisyen, pami yo: yon timoun, pèdi lavi yo, dimanch, apre yon bato te koule nan achipèl Bahamas. Premye Minis Philip Davis kwè «destinasyon final yo se te Miami», Ozetazini.

Yo jwenn kadav disèt imigran ayisyen, ki gen ladan yo kenz fanm ak yon timoun. Vennsenk lòt moun te sove lavi yo nan lanmè a, pandan yon operasyon sekou ki te kontinye dimanch 24 jiyè a, apre yon ti bato te koule nan Bahamas, se sa otorite Bahamas yo te anonse.

Bato a, ki «ta chavire, te nan yon lanmè move», daprè nòt pou laprès Premye Minis la, Philip Davis. «Ak anviwon 60 moun abò,» bato sa a te kite zile ki pi peple nan achipèl la.

«Nouvo dram sa a fè tout nasyon an tris,» se sa Premye Minis ayisyen an, Ariel Henry, te tweete san pèdi tan.

An Ayiti, depi kèk ane, moun yo ap kouri kite peyi a, akoz vyolans kriminèl gang yo, kote prèske mwatye popilasyon an ap soufri ak ensekirite alimantè ak enkapasite gouvènman Ariel Henry a pou tabli yon klima sekirite nan batay pou retire gang yo nan peyi a.

Ayiti-kidnaping: Oscar Joseph libere

Oscar Joseph, responsab pwogram odyovizyèl nan radyo ak televizyon edikatif nan Ministè Edikasyon Nasyonal ak Fòmasyon Pwofesyonèl, te libere lendi 25 jiyè a, de jou apre yo te kidnape li. Bandi ak zam te kidnape Oscar, nan Pernier, tou pre Akademi Polis Nasyonal la. Fanmi l yo te voye yon mesaj bay kidnapè yo, nan kòmansman semèn lan, pou yo lage l, patikilyèman akoz sante l frajil. Dapre yon kòlèg li, pa gen okenn ranson ki te bay pou te lage koòdonatè pwogram odyovizyèl MENFP la.

Se yon gwo soulajman pou Fanmi, zanmi ak kòlèg Oscar Joseph. Misye sa a, se kowòdonatè pwogram odyovizyèl nan MENFP. Moun ak zam te kidnape li samdi 23 jiyè a, nan Pernier, nan komin Petyon-vil. Li se prezantatè pwogram ki rele «Aksyon Edikativ».

Kout zam ap tire pasi-pala

Gwo kout zam pa sispann tire ant gwoup gang Chyen Mechan, dirije pa Babekyou, ak gwoup gang ki nan Bèlè, pou kontwòl plis teritwa. Depi dimanch 23 jiyè, kout zam pa sispann marye ant de gwoup bandi sa yo, kote plizyè moun viktim anba bal mawon, nan divès katye, tankou Nazon, ri Capois ak Chanmas.

Ronald Léon

Popular articles

Deklarasyon Sem Edgard Leblanc Fils devan lanasyon, jou dimanch 6 oktòb 2024

1. Konpatriyòt Ayisyen anndan peyi a tankou sila ki lòt bò dlo oubyen lòt...

79 ème Assemblée générale ordinaire des Nations Unies :

Le Mouvement Point Final salue le discours du Conseiller présidentiel, Edgard Leblanc Fils à...

Croix-des-Bouquets : La Nationale #8, débloquée par la PNH

La Police nationale a réalisé une intervention dans la commune de la Croix-des-Bouquets vendredi...

14 août 2021 – 14 août 2024, 3ème anniversaire du séisme meurtrier du Grand Sud d’Haïti :

3 ans après, aucun projet de reconstruction du Grand Sud, a constaté le Mouvement...

Latest News

Fusillade des journalistes à l’hôpital général :

Le Mouvement Point Final dénonce le mauvais traitement des journalistes blessés à Cuba.Depuis le...

Haïti/ USA, crise migratoire :

Le Mouvement Point Final annonce au Département d'État américain que la déportation des Haïtiens...

Massacre à Kenskoff : Le laxisme des autorités….

Le Maire Jean Massillon de Kenscoff, reste prudent sur le bilan de l’attaque des...