 |
||||||
 |
17 Mai, 2006 May 17, 2006 17 Me, 2006 |
|
 |  |
 |
|
 |
 |
 |
||||
| Vol. 23 No. 11 |  |
 |
 |
|||
| |||||||||||||||||||
|
|||||||||||||||||||
|
|
||||||||||||||||||
| |||||||||||||||||||
| |||||||||||||||||||
| |||||||||||||||
 |
|
| |||||||||||||
|
Pages Centrales: Investiture 2006 : Une immense foule salue Préval Et réclame le retour d’Aristide ! Perspectives: Coup d'oeil sur le monde: Nan Peyi Dayiti Diskou Diskou envestiti prezidan
René Préval 14 me 2006 Pèp Ayisyen, pèp Ayisyen respè pou ou! Nan non w, m ap di tout etranje ki vin pataje moman espesyal sa a avèk nou, mèsi. Mèsi byenvini. Byenvini son ekselans onorab Michaëlle Jean gouvènè jeneral Kanada ; Byenvini son ekselans trè zonorab Perry Christy Premye minis Bayamas la Son ekselans Richard Tounhari, gouvènè Turks and Caicos ; Son ekselans José Alencar visprezidan Brezil la Son ekselans Esteban Lazo, visprezidan Konsèy Deta Cuba ; Son ekselans José Vicente Rangel Reca visprezidan Venezyela Son ekselans Dr. Michaël Eugène Misick Premye minis Turks and Caicos M. Philippe Douste-Blazy minis Afè etranjè peyi Lafrans M. Carlos Morales Troncoso minis Afè etranjè Repiblik Dominikèn M. Bernandino Leon minis Afè etranjè Lespay M. Jeb Bush gouvènè Eta la Florid Son ekselans José Miguel Insulza sekretè jeneral OEA Byenvini ak tout lòt reprezantan prezidan ak chèf gouvènman yo, Reprezantan palman etranje yo, reprezantan òganizasyon entènasyonal yo. Byenvini espesyalman a reprezantan Pap la.
Nan non w pèp Ayisyen m ap salye pèp tout lòt peyi yo spesyalman sè ak frè nou Dominiken vwazen nou. Lapè pou tout pèp k ap viv sou tè a, lapè ant 2 pèp k ap viv sou zile a, Dominiken ak Ayisyen. Lapè ant nou menm pitit tè Dayiti k ap viv ann Ayiti oswa k ap viv nan lòt peyi. Prezidan Boniface Alexandre, Premye minis Gérard Latortue, manb kabinè ministeryèl la nou fè tout sa nou te kapab pou Ayiti rive nan kafou sa a, li pat fasil men nou rive. Manb Konsèy elektoral la travay nou pat fasil non plis, depi 1987, eleksyon ann Ayiti se traka, premye a fini nan san, pifò lòt yo fini nan kontestasyon an. Eleksyon sa yo tou te gen pwoblèm pa yo, men tout moun rekonèt pat gen vyolans, pèp la patisipe anmas e tout moun rekonèt rezilta yo. Men travay la poko fini, rete kolektivite teritoryal yo, ki se baz òganizasyon ekonomik, sosyal ak politik peyi a. Peyizan yo sitou ap tann eleksyon sa yo tankou tè sèk ap tann lapli, pou desantralizasyon an kòmanse kaba avèk eksklizyon. Juan Gabriel Valdès misyon w fini, travay ou pat fasil nonplis men ou mèt kontan, rezilta a la, devan nou jodi a. Juan Gabriel Valdès misyon w fini, sekretè jeneral Nasyonzini an ap gen pou ranplase w touswit paske misyon Minustah a poko fini. Minustah pral kontinye akonpanye pèp Ayisyen an. Men fwa sa a n ap mande l ede n avèk plis traktè, bouldozè, lodè, kamyon pou fè wout, pou fè kanalizasyon pou wouze tè nou yo. Se materyèl sa yo ki nesesè jodi a pou estabilize peyi a, se pa cha ankò. Minustah ap gen pou l bay kout men tou patikilyèman nan pwofesyonalizasyon polis nou an. Pèp Ayisyen n ap pale je nan je, m ap gade w je nan je, gade m je nan je. Nou fè yon gwo pa nan eleksyon an, prezidan an sot prete sèman, palman an enstale, yon bò yon lòt gouvènman pral nonmen. Sa k ap fèt? Sa nou pral fè? M byen di ki sa nou pral fè ? Nou menm ayisyen, pati politik, òganizasyon popilè yo, òganizasyon patwonal, sendikal, òganizasyon fanm yo, jèn yo, òganizasyon relijyez, sosyo profesyonèl, peyizan, etidyan, inivèsitè, peyizan elatriye. Ki sa nou pral fè ? Ki sa ki gen pou fèt ? Repons lan senp, repons lan klè pou mwen. Nou genyen pou nou fè lapè. Nou gen pou nou fè lapè atravè yon dyalòg pèmanan, fòk nou pale yon ak lòt, pou nou deside ansanm, ki kote nou vle ale ansanm, ak ki vitès, ak ki mwayen, mwayen moun, mwayen kòb, si nou pa pale ant nou, nou pral batay yonn ak lòt, e pap gen lapè. Nou pral batay, pa paske yonn pa renmen lòt, men senpleman paske nou pa konn sa lòt la vle. Pale a deja kòmanse, lapè a deja kòmanse, fòk nou ranfòse pale a, pou nou ranfòse lapè. Lapè a se kle ki pou ouvri tout lòt pòt yo. Pòt envestisman pou kreye travay, travay k ap konbat chomaj. Pòt pou plis touris antre nan peyi a, pòt pou plis wout, plis lekòl, plis lopital, plis prodiksyon nasyonal. Se lapè ki pou pèmèt machann monte desann. Pèp ayisyen pale a deja kòmanse, lapè a deja kòmanse tabli, ann laji pale a, ann ranfòse l, ann pale avèk pasyans, entelijans, imilite san pèsonn pa gonfle lestomak yo. Pèp ayisyen nan 4 jou, se 18 me, nou pral Lakayè onore zansèt nou yo Petyon, Desalin ki ba nou legzanp chita pale ant yo, pou yo fè lapè ant yo. E se lapè sa a ki debouche sou kreyasyon Ayiti. Jodi a ann pran egzanp sou yo, ann chita pale pou nou fè lapè antre nou, k ap debouche sou yon Ayiti san twoup etranjè. Pèp ayisyen, solisyon pwoblèm peyi a se nan men nou ayisyen li ye. Solisyon an kòmanse pa chita pale pou nou fè lapè. Pèsonn pa ka fè l nan plas nou, ni nou pa bezwen èd pèsonn pou nou fè l, ni Minustah, ni FMI, ni Bank Mondyal, ni BID, ni Inyon ewopeyèn, ni koperasyon bilateral pa ka fè l pou nou, pandan n ap di yo mèsi davans pou bourad yo pral kontinye ba nou. Pèp ayisyen m sèten, si nou kontinye pale, si nou kontinye fè lapè, nou ka antann nou, sou ki sa pou nou fè, pou 7 fevriye 2011, lè m prale, n ap admire ansanm yon lòt Ayiti. Yon Ayiti avèk plis wout, plis travay, plis manje, plis lekòl, plis lopital, yon Ayiti pi bèl. Tanpri souple ede m, ede peyi a, ede tèt nou, mèsi anpil.
A Travers Haiti Dans le communauté: En bref: Practiques Culturelles | |||||||||||||||
 |
 |
 |
 |
 |
 |
 |
 |
